وزیر اعلی نے صحافیوں سے بات کرتے ہوئے کہا کہ راجستھان حکومت چاہتی ہے کہ اسمبلی طلب کی جائے لیکن گورنر منع کر رہے ہیں، یہ کہاں کا انصاف ہے۔
انہوں نے کہا کہ جس طرح سے بی جے پی کے رہنما بیان بازی کررہے ہیں، ان کو پہلے اپنے سینیئر رہنماؤں سے سیکھنا چاہیے۔
وزیر اعلی اشوک گہلوت نے کہا کہ راجستھان میں بی جے پی کے سب سے پہلے وزیراعلی بھیروسنگھ شیخاوت نے بھی اپنے مطالبات کو لے کر ریاست کے گورنر کی رہائش گاہ پر دھرنا دیا تھا۔ اسی طرح سے آج ہم نے بھی خط لکھا ہے اب گورنر کلراج مشرا اس جانب توجہ دیں گے یا نہیں دیں گے یہ تو وقت ہی بتائے گا لیکن اگر ہمارے مطالبات کو نہیں مانا جاتا تو ہم بھی یہاں سے نہیں جانے والے ہیں۔
انہوں کہا کہ آج ہمارے کچھ دوست کسی کے بہکاوئے میں آ گئے ہیں اور وہ اپنا راستہ بھٹک گئے ہیں ہمیں پوری امید ہے کہ وہ آج نہیں تو کل ہمارے ساتھ میں آئیں گے۔
