راجستھان کے شہر جے پور میں شب برات کے لیے مسلمانوں میں جوش خروش کا ماحول ہے۔ مساجد میں روشنیوں کا اہتمام کیا گیا۔
سنی دعوت اسلامی تنظیم کے رکن سید قادری نے شب برات کی اہمیت و فضیلت پر روشنی ڈالتے ہوئے کہا کہ کا اس شب کو کو لیلۃ البراءت، لیلۃ الرحمہ، لیلتہ توبہ سمیت دیگر ناموں سے جانا جاتا ہے۔
انہوں نے مزید کہا کہ آج کے اس مقدس شب کے موقع پر دنیا بھر کہ مسلمان عبادت کرتے ہیں، روزہ رکھتے ہیں، بزرگوں کے نام پر فاتحہ دلواتے ہیں۔ خصوصاً گھر کے جو مرحومین ہیں ان کے لیے دعا کرتے ہیں۔
انہوں نے کہا کی اس شب کے موقع پر بھارت میں حلوے کی ایک خاص روایت ہے۔ حلوے پر فاتحہ خوانی کی جاتی ہے۔ اسی فاتحہ خوانی کا اہتمام گھروں میں کیا جاتا ہے۔
انہوں نے کہا کہ موجودہ وقت میں کورونا کی وبا کا دائرہ مسلسل بڑھتا ہی جا رہا ہے۔ اس لیے حکومت کی جانب سے جاری کیے گئے رہنما خطوط پر عمل کرتے ہوئے ہی اس تہوار کو منائیں۔
