شہید صوبیدار تولچھا رام سیاگ Martyr Tulchha Ram Sihag کا معاملہ لوک سبھا میں اٹھائے جانے کا امکان ہے۔ ناگور سے رکن پارلیمنٹ اور راشٹریا لوک تانتریک پارٹی Rashtriya Loktantrik Party کے سربراہ ہنومان بینی وال کی جانب سے اس معاملے کو لوک سبھا میں اٹھایا جا سکتا ہے۔
وہیں پورے معاملے کو لے کر وزیر دفاع راج ناتھ سنگھ سمیت اعلی رہنماؤں کو اس بارے میں خط بھی لکھا جا چکا ہے۔ وزیر دفاع سمیت دیگر لوگوں کو لکھے گئے خط میں اس بات کا حوالہ دیا گیا ہے کہ جس طرح سے شہید کی بےعزتی ہوئی ہے، وہ کسی بھی صورت میں ہم لوگوں کو منظور نہی ہے۔
واضح رہے کہ سیاچین میں 15 ہزار فٹ اوپر مائنس 40 ڈگری میں شہید صوبیدار تولچھارام سیاگ بھارت کی حفاظت کرتے ہوئے شہید ہوئے تھے۔ 24 نومبر کو ان کا جنازہ ان کے گاؤں پہنچا لیکن ان کے آخری رسومات کے دوران ہوائی فائینگ کے ذریعہ سلامی نہ دینے کی وجہ سے یہ معاملہ ریاست بھر میں موضوع بحث بنا ہوا ہے۔
یہ بھی پڑھیں: Tribute Hemant Karkare: شہید ہمینت کرکرے کو مالیگاؤں میں خراج عقیدت
شہید سوبیدار تولچھارام سیاگ کے آخری رسومات میں شامل ہونے کے لئے ہنومان بینیوال بھی پہنچے تھے، اس کا کہنا تھا کہ میں اس پورے معاملے کو لوک سبھا میں اٹھاؤں گا۔
