ریاست راجستھان میں عالمی وباء کورونا نے جب سے دستک دی تھی تب سے لے کر گزشتہ روز منگل تک 63977 کے قریب مریض سامنے آ چکے ہیں، ان میں سے 898 لوگ ہلاک بھی ہو چکے، وہیں اب تک ان مریضوں میں 48960 صحت یاب بھی ہو چکے ہیں، ریاست راجستھان میں کورونا وباء کے دستک دینے کے ساتھ ہی راجستھان کے وزیراعلی اشوک گہلوت کی جانب سے لاک ڈاؤن کا اعلان پورے ہندوستان میں سب سے پہلے کیا گیا تھا، جس کے بعد اشوک گہلوت روزانہ ریاستی افسران کے ساتھ میٹنگ کرتے ہوئے نظر آرہے ہیں،
انہوں نے کہا کی ریاست راجستھان میں کورونا کے ٹیسٹ میں اضافہ کیا گیا ہے اس لیے جو مریضوں کی تعداد ہیں اس میں بھی اضافہ ہو رہا ہے، انہوں نے کہا کہ ہمارے لئے ایک چیلنج یہ بھی ہے کہ اب جو مریض سامنے آ رہے ہیں ان میں 90فیصد ایسے لوگ ہیں جن میں کورونا کی کوئی علامتیں بھی نظر نہیں آرہی ہیں
رگھو شرما نے کہا کہ اب ہمارا تو بس ایک ہی مقصد ہے کے جو لوگ عالمی وباء کورونا سے ہلاک ہورہے ہیں ان کی تعداد میں کمی لانا اور ہم لوگوں کو کافی زیادہ خوشی ہےکہ راجستھان میں کورونا وباء سے ہلاکتیں کم ہورہی ہیں، انہوں نے کہا کہ پورے ہندوستان میں جو راجستھان کی صورتحال ہے وہ کافی زیادہ بہتر ہے
