ریاست راجستھان کے ناگور ضلع ہیڈکوارٹر پر واقع بڑے پیر صاحب کی درگاہ کے سجادہ نشین سید صداقت علی جیلانی کی جانب سے شہریت ترمیم قانون کے خلاف انسانی حقوق کمیشن کو ایک خط لکھا گیا ہے۔
سجادہ نشین نے ای ٹی وی بھارت سے بات کرتے ہوئے بتایا کہ میری جانب سے انسانی حقوق کمیشن کو اس لیے خط لکھا گیا ہے کیونکہ یہ تمام معاملات اسی کمیشن سے جڑا ہوا ہے اور سی اے اے و این آر سی سے متعلق جتنے بھی مظاہرے ہو رہے ہیں ان تمام معاملات میں کہیں نہ کہیں عوام کو نقصان بھی ہو رہا ہے اس لیے بھارت کے آئین کے مطابق تمام لوگوں کو جینے کا حق ہے اس لیے میں نے صدر کو خط لکھا ہے۔
انہوں نے کہا کہ اس کالے قانون کو جلد از جلد ختم کرنا ہوگا کیو نکہ اس قانون سے بھارت کی شہرت اور عزت ہے دیگر ممالک میں خراب ہو رہی ہے۔
انہوں نے کہا کہ جو لوگ کافی برسوں سے بھارت میں رہ رہے ہیں، جن کے خاندان کے لوگوں نے جنگ آزادی میں شہادت حاصل کی انہیں سے آج وفاداری کا ثبوت مانگا جا رہا ہے جو بہت غلط ہے۔
انہوں نے یقین دلایا کہ انسانی حقوق کمیشن اس جانب ضرور توجہ دے گی اور کچھ نا کچھ ضرور حل نکالے گی۔
