محکمہ داخلہ کی جانب سے شب برات اور ہولی کے پیش نظر گائیڈ لائن جاری کی گئی ہے۔
شب برات پر کسی بھی طرح کے کوئی بڑے پروگرام کا انعقاد دارالحکومت جے پور سمیت راجستھان بھر میں نہیں ہوگا۔
محکمہ داخلہ کی جانب سے جاری گائیڈ لائن میں کہا گیا ہے کہ اس مرتبہ شب برات کے موقع پر کوئی بڑے پروگرام یا اجتماعی پروگرام منعقد نہیں کیے جاسکیں گے۔ وہیں عوام سے یہ بھی گزارش کی گئی ہے کہ اس بار شب برات کا تہوار اپنے گھروں میں ہی منائیں، 28 اور 29 مارچ کو ہولی اور شب برات کو لے کر گائیڈ لائن جاری کی گئی ہے۔
واضح رہے کہ 28 مارچ کو شب برات ہے۔ اس موقع پر جے پور سمیت راجستھان میں کئی مقامات پر بڑے اجتماعی اور پروگرامز منعقد کیے جاتے ہیں۔
کورونا کے بڑھتے معاملات کی وجہ سے گائیڈ لائن جاری کی گئی ہے، شب برات کے موقع پر دارالحکومت جے پور کے گھاٹ گیٹ، رام گنج سمیت دیگر مقامات پر بڑے پروگرام منعقد کئے جاتے ہیں۔
