ملک میں ہندوتوا تنظیموں سے نہ صرف مسلمان بلکہ ہندو سنسکرت اور ہندو مذہب کو بھی خطرہ ہے۔ بھارت میں بنیاد پرست سوچ رکھنے والی ہندوتوا تنظیموں کی سازش کا نشانہ ملک کے کے معصوم لوگ بن رہے ہیں۔ ایسے میں اب تمام ہم وطنوں ہندوؤں اور مسلمانوں کو فرقہ وارانہ ہم آہنگی کے لیے بنیاد پرست تنظیموں کو سبق سکھانا ہوگا اور ملک میں امن برقرار رکھنا ہو گا۔ ان خیالات کا اظہار پاپولر فرنٹ آف انڈیا کےسیکرٹری تاج محمد نے کیا ہے۔ PFI on Hindutva Organizations
راجستھان میں شہری علاقوں میں جس طرح چھوٹی چھوٹی باتوں کو رنگ دے کر ہندوؤں اور مسلمانوں کو اکسایا جا رہا ہے اس سے لگتا ہے کہ ریاست کے لوگوں کا سکون چھینا جا رہا ہے۔ پی ایف آئی راجستان کے سیکرٹری تاج محمد نے ہم وطنوں سے اپیل کی ہے کہ وہ ملک کو نفرت اور بنیاد پرست تنظیموں کی سازش سے بچائیں اور ہندو مسلم متحد ہو کر فرقہ وارانہ ہم آہنگی کی مثال قائم کریں۔پی ایف آئی نے کہا ہے کہ ملک کے تمام مذاہب اور ذاتوں کے وفد اکٹھے ہوکر اپنے تہوار ایک ساتھ منائیں تاکہ امن کے دشمنوں کو بتایا جا سکے کہ بھارت کی عوام کی آواز ہے 'ہندی ہیں ہم وطن ہے ہندوستاں ہمارا ہم بلبلیں ہیں اس کی یہ گلستاں ہمارا۔'
