ریاست راجستھان کے اجمیر شریف میں واقع حضرت خواجہ حسن معین الدین چشتی رحمۃ اللہ علیہ کے عرس مبارک کا آغاز پرچم کشائی کی روایت کے ساتھ ہو چکا ہے۔
عرس مبارک کے موقع پر لاکھوں کی تعداد میں زائرین حضرت خواجہ حسن معین الدین چشتی رحمۃ اللہ علیہ کی درگاہ پر تشریف لاتے ہیں۔
وہیں کورونا وبا کی وجہ سے موجودہ وقت میں راجستھان مسلم وقف بورڈ چیئرمین کی جانب سے زائرین سے اپیل بھی کی گئی ہے۔
وقف بورڈ چیئرمین ڈاکٹر خانو خان بودھوالی نے ای ٹی وی بھارت سے خاص بات چیت کے دوران بتایا کہ اجتماعی طور پر بڑے پروگرام ہونے کا کوئی فیصلہ ابھی تک نہیں لیا گیا ہے لیکن جو لوگ عقیدت رکھتے ہیں وہ یہاں تشریف لا رہے ہیں، جو لوگ آ رہے ہیں انہیں خود اپنا خیال رکھنا چاہئے۔
انہوں نے کہا کہ کورونا وباء کے مدنظر جو بھی حکومتی ایڈوائزری ہے، اس کا مکمل طور پر خیال رکھیں۔
خانو خان بودھوالی نے عوام سے اپیل کرتے ہوئے کہا کہ کورونا وباء کی جانچ گھر سے کروا کر آئیں۔
یہ بھی پڑھیں: اترپردیش مدرسہ بورڈ کے امتحانات فارم بھرنے کی ٘تاریخ میں توسیع
انہوں نے مزید معلومات فراہم کرتے ہوئے بتایا کہ دارالحکومت جے پور کے کربلا علاقے میں جو گاڑیاں آتی ہیں، ان کے لیے اور زائرین کے لئے جو بھی مکمل طور پر بندوبست کئے جاتے ہیں، وہ کیے گئے ہیں۔
انہوں نے کہا کہ 'میں ای ٹی وی بھارت کے ذریعے عوام سے یہ اپیل کروں گا کہ وہ لوگ اس وباء کے درمیان اپنا خاص خیال رکھیں۔'
