راجستھان میں گجروں نے اپنے مطالبات کے سلسلے میں شروع کئے احتجاج کے تحت آج بھرت پور میں دہلی ممبئی ریلوے ٹریک پر قبضہ کرنے کے بعد ڈومریا اور فتح سنگھ پورہ ریلوے اسٹیشنوں کے بیچ پٹریوں کی فش پلیٹیں اکھاڑ دی۔
موصولہ اطلاع کے مطابق گجر مظاہرین ریلوے ٹریک پر بیٹھ گئے اور ریلوے ٹریک کو مکمل طور پر بند کردیا۔ مشتعل مظاہرین کے ہجوم نے تقریبا ایک کلو میٹر کے ریلوے ٹریک کی فش پلیٹ اکھاڑ دی ہیں۔ اس کے علاوہ بھرت پور کے آگرہ جے پور قومی شاہراہ 21 کے ساتھ بیانا- ہنڈونا شاہراہ کو بھی بند کردیا۔
گوجر ریزرویشن کے معاملے میں بھرت پور سب ڈویژن میں ماحول پوری طرح سے گرم ہو گیا ہے ۔ دوسری طرف پولیس کی ایک بڑی نفری کے باوجود پولیس اور انتظامیہ بے بس حالت میں دکھائی دے رہی ہے۔ اس احتجاج کی وجہ سے جن شتابدی ایکسپریس بھرت پور اسٹیشن پر پھنس گئی ہے ، جسے اب براستہ باندی کوئی سے سوائے مادھو پور نکالنے کی ہدایت دی گئی ہے۔
انتظامی سکریٹری این ایل مینا کے جاری کردہ حکم کے مطابق، بھرت پور، ڈھول پور، سوائی مادھو پور، داوسہ ، ٹونک ، بنڈی اور جھلاور اضلاع کو این ایس اے کے تحت رکھا گیا ہے۔
یہ بھی پڑھیے
'بی جے پی کو شکست دی جاسکتی ہے'
تاہم، گجر ریزرویشن کمیٹی اور راجستھان حکومت کی کابینہ کی ذیلی کمیٹی کے ایک گروہ نے ہفتے کے روز ہونے والی بات چیت کے بعد 14 نکات پر اتفاق کیا۔
