ملاقات کے دوران ان تمام ڈاکٹرس نے خود کو ہمہ وقتی (پرمانینٹ) کرنے کا مطالبہ عمران پرتاب گڑھی کے ذریعہ راجستھان حکومت سے کیا۔ ان تمام ڈاکٹرس نے عمران پرتاب گڑھی کو بتایا کہ راجستھان حکومت کی جانب سے جو انتخابی منشور جاری کیا گیا تھا اس میں یہ کہا گیا تھا کہ ہم آپ لوگوں کو پرمانینٹ کریں گے۔
لیکن ہم لوگوں کو آج تک پرمانینٹ نہیں کیا گیا۔ ان یونانی ڈاکٹرس نے بتایا کہ کانگریس حکومت کو راجستھان میں ڈھائی برس سے زیادہ کا عرصہ مکمل ہوچکا ہے لیکن ہم لوگوں کے لئے کچھ بھی کام نہیں کیے گئے ہیں۔
اس لیے ہم آپ سے گزارش کرتے ہیں کہ ہمارے جو مطالبات ہیں ان کو راجستھان کے وزیراعلیٰ اشوک گہلوت تک پہنچائیں اور ہم لوگوں کی جانب توجہ دی جائے۔
مزید پڑھیں:Imran Pratapgarhi Meet CM: عمران پرتاب گڑھی کی راجستھان کے وزیراعلیٰ سے ملاقات
یونانی ڈاکٹرس نے بتایا کہ عمران پرتاب گڑھی کی جانب سے ہم لوگوں کو یہ بھروسہ دلایا گیا ہے کہ پرینکا گاندھی، راہل گاندھی اور وزیر اعلیٰ اشوک گہلوت سے بات کروں گا اور آپ لوگوں کے جو مطالبات ہیں ان کو ان کے سامنے رکھوں گا۔
