راجستھان: ڈوٹاسرا کانگریس کے نئے ریاستی صدر کا چارج سنبھالا

راجستھان میں کانگریس کے نئے منتخب صدر گووند سنگھ ڈوٹاسرا نے اپنا چارج سنبھالا اور اس تعلق سے ریاست کے دارالحکومت جے پور میں واقع ریاستی کانگریس دفتر میں ایک پروگرام کا اہتمام بھی کیا۔

اس پروگرام میں راجستھان کے وزیراعلی اشوک گہلوت، کانگریس کے انچارج اویناش پانڈے سمیت دیگر کانگریسی رہنما موجود رہے لیکن اس پورے پروگرام میں سوشل ڈسٹنسنگ کی صریح خلاف ورزی کی گئی۔

واضح رہے کہ راجستھان میں کانگریس دو خیموں میں تقسیم ہو چکی ہیں جس میں ایک خیمہ سچن پائلیٹ کا تو وہی دوسرا خیمہ اشوک گہلوت کا ہے۔ ایسے میں نو منتخب شدہ ریاستی صدر کے طور پر گووند سنگھ ڈوٹاسرا نے اپنا چارج سنبھالا ہے۔