اس موقع پر عہدیداروں کو افراد خاندان کے غصہ کا سامنا کرنا پڑا۔ شاہ رخ کے افراد خاندان کے مطابق آتشزدگی واقعہ کے 3 روز بعد انتظامیہ نیند سے بیدار ہوا ہے اور آج یہاں پہنچے۔ انہوں نے سوال کیا کہ آخر تین روز کی دیری کی کیا وجہ ہے۔
اس دوران عہدیداروں نے بتایا کہ بعض اہم اجلاسوں میں مصروف ہونے کی وجہ سے وہ یہاں آنے سے قاصر رہے لیکن انہوں نے اس معاملہ میں مناسب مدد مہیا کرانے کی یقین دہانی کرائی۔
شاہ رخ کے افراد خاندان نے مقامی رہنماؤں پر بھی اپنی ناراضگی ظاہر کی۔ انہوں نے کہا کہ گذشتہ تین روز سے کوئی بھی رہنما ان کے گھر نہیں پہنچا لیکن آج جب انتظامیہ کے عہدیدار یہاں پہنچے تو سیاسی رہنما بھی یہاں پہنچ گئے۔
ہوا محل اسمبلی حلقہ کے رکن اسمبلی مہیش جوشی نے کہا کہ آتشزدگی کے واقعہ کے بعد مقامی عوام نے جس طرح شاہ رخ اور اس کے خاندان کی مدد کی ہے وہ قابل تعریف ہے جس کےلیے میں ان کا شکرگذار ہوں۔
