Bulldozer Action: حکومت صرف مسلمانوں پر ہی بلڈوزر چلاتی ہے، ڈاکٹر قاسم رسول الیاس

ڈاکٹر قاسم رسول الیاس نے کہا کہ ملک میں اس وقت جمہوریت نام کی کوئی چیز نظر نہیں ہے، گزشتہ آٹھ برسوں میں ترقی کے نام پر کچھ نہیں ہوا ہے، مہنگائی آسمان کی بلندیوں کو چھو رہی ہے، مرکزی حکومت صرف ماب لنچنگ، لو جہاد، تین طلاق، حجاب جیسے معاملوں کو سامنے لا کر ملک کی عوام کے درمیان اختلاف پیدا کرنے کی کوشش کر رہی ہے۔ Dr. Qasim Rasool Ilyas Targeted the Government

جے پور: ریاست راجستھان کے دارالحکومت جے پور کے ایک ہوٹل میں ویلفیئر پارٹی آف انڈیا کی جانب سے پریس کانفرنس کا انعقاد کیا گیا، اس پریس کانفرنس سے خطاب کرتے ہوئے ویلفیئر پارٹی آف انڈیا کے قومی صدر ڈاکٹر قاسم رسول الیاس نے مرکزی حکومت پر تنقید کی۔ Dr. Qasim Rasool Ilyas Targeted the Government

انہوں نے کہا کے ملک میں اس وقت جمہوریت نام کی کوئی چیز نظر نہیں ہے، گزشتہ آٹھ برسوں میں ترقی کے نام پر کچھ نہیں ہوا ہے، مہنگائی آسمان کی بلندیوں کو چھو رہی ہے، مرکزی حکومت صرف ماب لنچنگ، لو جہاد، تین طلاق، حجاب جیسے معاملوں کو سامنے لا کر ملک کی عوام کے درمیان اختلاف پیدا کرنے کی کوشش کر رہی ہے۔

انہوں نے کہا کہ مذکورہ تمام معاملات کو لے کر ویلفیئر پارٹی آف انڈیا کی جانب سے مرکزی حکومت کے خلاف ایک مہم کا آغاز کیا جائے گا، اس مہم کے تحت ہم عوام کے درمیان جا کر حکومت کی خامیوں کو اجاگر کریں گے۔

انہوں نے کہا کہ آج مودی حکومت جو بھی اسکیم لا رہی ہے وہ سیاسی جماعتوں سے مشورہ کیے بغیر لا رہی ہے ،انہوں نے کہا کہ آج ملک میں ایک خاص طبقہ کو نشانہ بنایا جارہا ہے، انہوں نے کہا کہ موجودہ وقت میں جس طرح کی اگنی پتھ اسکیم کے نام پر لائی گئی ہے اس اسکیم کو لے کر ملک کے مختلف علاقوں میں توڑ پھوڑ کی جارہی ہے،مگر ان پر بلڈوزر کی کارروائی نہیں کی جارہی ہے، بلڈوزر کا خوف صرف مسلمانوں کو دکھا یا جارہا ہے۔