راجستھان کے ضلع اجمیر کے گیگل تھانہ علاقے کے پولیس افسر نندو سنگھ نے بتایا کہ اے ٹی ایس انسپکٹر روڈمل کو مخبر سے اطلاع موصول ہوئی کہ گیگل کی طرف آرہی ہریانہ روڈ ویز کی بس میں ایک نوجوان غیر قانونی طور پر سونا لے جا رہا ہے۔ اس پر اے ٹی ایس کی طرف سےگیگل تھانہ کو اطلاع دی گئی، جہاں ٹرینی آر پی ایس پونم بارگڈ نے شاہراہ کی ناکہ بندی کرکے ہریانہ روڈ ویز بس کو روکی اور تلاشی کے بعد ایک نوجوان سے آٹھ سو گرام سونا برآمد کیا۔
انہوں نے بتایا کہ نوجوان اس سونے کے بارے میں تسلی بخش جواب نہیں دے پایا۔ نوجوان سے سونے سے متعلق کوئی دستاویزات نہیں ملے۔ دفعہ 102 کے تحت سونا بھی قبضہ میں لیا گیا ہے۔
سونے کے تعلق سے محکمہ انکم ٹیکس کو اطلاع دی جارہی ہے۔ اس کی قیمت 40 لاکھ روپے سے زیادہ بتائی جا رہی ہے۔
