جے پور: گلتہ تھانے کے انچارج مکیش کمار نے بتایا کہ ہم نے دو چوروں کو گرفتار کیا ہے جو جے پور کے برہم پوری تھانہ، گلتہ تھانہ، رام گنج تھانہ، نہارگڑ روڈ تھانہ سمیت دیگر الگ الگ علاقوں میں چوری کی وارداتوں کو انجام دیا کرتے تھے۔ انہوں نے بتایا کہ ارون شرما نام کے شخص نے 30 تاریخ کو مقدمہ درج کرایا کہ اس اسکوٹی سرجپول علاقہ سے چوری ہوگئی۔ جب پولیس نے پاس کے علاقے کے سی سی ٹی وی فوٹیج چیک کیے تو اس میں وشال عرف لالا گاڑی چوری کرتا ہوا نظر آرہا تھا۔ اسے حراست میں لے لیا گیا اور جب اس سے سختی سے پوچھ گچھ کی گئی تو بتایا کہ اس نے اب تک نو گاڑیاں چوی کی ہیں اور اس سے ملی جانکاری کے مطابق ہم لوگوں نے سبھی گاڑیاں برآمد کرلی ہے۔
انہوں نے مزید کہا کہ چور وشال عرف لالا کے ساتھ ہی اس کے ایک دوست نام ساگر کو بھی گرفتار کیا گیا ہے جو وشال سے گاڑیاں خریدتا تھا۔ انہوں نے بتایا کہ جب بھی ان لوگوں کو پیسوں اور نشے کی ضرورت ہوا کرتی تھی یہ لوگ چوری کیا کرتے تھے۔ وشال عرف لالا کے خلاف پہلے بھی متعدد مقدمات درج ہوئے ہیں۔
یہ بھی پڑھیں: Girlfriend And Her 5 Friends Drank Poison: عشق میں ناکامی کے نام پر خودکشی، چھ سہیلیوں نے کھا لیا زہر، تین ہلاک
