ریاست راجستھان کے ضلع پالی کے تھانہ گوڈا اینڈلا علاقے مزدورں سے بھری ایک منی ٹرک حادثہ کا شکار ہوگیا، اس حادثے میں چار لوگوں کی موت ہوگئی ہے جبکہ چھ لوگ شدید طور پر زخمی ہوگئے ہیں۔
اس واقعہ کے بارے میں اطلاع ملنے کے بعد موقع پر پہنچی پولیس نے جائے حادثہ کا جائزہ لیا اور زخمیوں کو ایمبولینس کے ذریعہ اسپتال میں داخل کرایا۔
وہیں لاشوں کو بانگڑ اسپتال مورچاری میں رکھا گیا ہے، نیز اس حادثے کی اطلاع میت کے لواحقین کو بھی دے دی گئی ہے۔
معلومات کے مطابق ضلع یہ لوگ ضلع پرتاپ گڑھ کے سادری علاقے کے رہائشی ہیں۔ یہ تمام لوگ دہلی سے ایک منی ٹرک میں سوار ہوئے تھے، سینڈراؤ میں یہ لوگ ٹرک سے اتر کر کسی اور گاڑی سے پرتاپ گڑھ جانے والے تھے، اس دوران منی ٹرک سینڈراؤ سے پہلے کیریوا کے قریب پلٹ گئی۔
اس حادثے میں سوار دو خواتین اور دو بچوں نے موقع پر ہی دم توڑ دیا، ہلاک ہونے والوں میں ایک 1 سالہ معصوم بچی بھی شامل ہے، جبکہ چھ افراد زخمی ہوئے۔
