جے پور: سامود پہاڑی پر شدید آتشزدگی

چوموں علاقے میں پنچمکھی ہنومان مندر کی سامود پہاڑی پر شدید آتشزدگی کا واقعہ پیش آیا ہے، بتایا جارہا ہے کہ آگ کی لپٹیں پانچ کلو میٹر دور سے نظر آرہی تھیں۔

راجستھان کے دارالحکومت جئے پور کے چوموں علاقے کی سامود پہاڑی پر منگل کی شب تقریباً 9 بجے آتشزدگی شدید واقعہ پیش آیا۔

آگ کی لپٹیں تیز ہونے کی وجہ سے اطراف میں بسنے والوں کے درمیان خوف کا ماحول پیدا ہوگیا اور دور دور تک دھواں نظر آنے لگا۔

مقامی لوگوں نے محکمۂ فائر بریگیڈ کو اس کی اطلاع دی جس کے بعد فائر افسران نے پہاڑ پر چڑھ کر آگ بجھانے کی کوشش میں مصروف ہوگئے۔

اطلاع کے مطابق تقریباً ایک کلو میٹر کے علاقے میں پیڑ اور گھاس پھوس جل کر خاک ہوگئے، فی الحال آگ لگنے کی وجوہات کا اب تک پتہ نہیں چل سکا ہے۔