راجستھان: اسپتال میں آتشزدگی

ریاست راجستھان کے سب سے بڑے ایس ایم ایس اسپتال میں رات میں تقریباً گیارہ بجے اچانک آگ لگ گئی۔

آگ لگنے کی اطلاع ملنے پر فائر بریگیڈ کی ٹیم جائے واقعہ پر پہنچی اور سخت مشقت کے بعد آگ پر قابو پایا۔ اس دوران فائر بریگیڈ کے دو اہلکار زخمی ہو گئے۔

فائر بریگیڈ کے افسر کا کہنا ہے کہ 'آگ لگنے کی اطلاع ملنے پر فائربریگیڈ کی 7 سے زیادہ گاڑیاں جائے واقعہ پر پہنچی اور آگ کو قابو میں کیا۔ اس دوران اسپتال میں موجود مریضوں کو سخت مشکلات کا سامنا کرنا پڑا۔

فائر بریگیڈ کے مطابق 'اسپتال کے آپریشن تھیٹر میں آگ لگی تھی جس کے پاس ہی ایک کمرہ بھی موجود تھا جس میں مریض بیٹھے ہوئے تھے۔ مریضوں کو اور دیگر افراد کو بحفاظت نکال لیا گیا۔'

واضح رہے کہ 15 روز میں ہی اسپتال میں آگ لگنے کا یہ دوسرا واقعہ ہے۔