اجمیر بلدیاتی انتخاب: ایک ووٹ سے ہارنے والے امیدوار نے کونسلر پر کیا مقدمہ

اجمیر میونسپل کارپوریشن الیکشن میں کانگریس کے ایک ہارے ہوئے امیدوار نے ایک ووٹ سے جیتنے والے اپنے حریف بی جے پی کے کونسلر پر مقدمہ درج کرایا ہے۔

اجمیر کے آدرش نگر تھانہ انچارج ہیم راج چودھری نے بتایا کہ وارڈ نمبر 66 سے جیتنے والے کونسلر نیرج جین پر ہارے ہوئے کانگریس امیدوار گنیش چوہان نے مقدمہ درج کرایا ہے۔

چودھری نے بتایا کہ معاملے میں جانچ کی جارہی ہے۔ میونسپل الیکشن کے نتائج کے اعلان میں بی جے پی کے نیرج جین ایک ووٹ سے جیت تھے لیکن انہیں تصدیق نامہ دینے میں ڈیڑھ گھنٹے سے زیادہ کا وقت لگنے پر انہوں نے اعتراض ظاہر کیا تھا۔

اس دوران رکن اسمبلی واسودیو دیونانی، انیتا بھدیل وغیرہ بھی الیکشن افسر کے پاس پہنچ گئے۔ اس دوران دھکہ مکی ہوئی۔

ہارے ہوئے امیدوار گنیش چوہان نے نیرج جین پر الزام لگایا ہے کہ الیکشن کےنتیجوں کا اعلان ہونے کے بعد جب وہ اعتراض کا خط ریٹرننگ افسر کو دے رہے تھے اس وقت قریب 20-25 لوگوں نے ان کے ساتھ دھکہ مکی کی اور جین نے ان کی درخواست کو پھاڑ دیا۔