راجستھان کابینہ میں توسیع کے تعلق سے ای ٹی وی بھارت نے کانگریس اقلیتی مورچہ راجستھان کے سابق چیئرمین عابد کاغذی گفتگو کی ہے۔
اس ضمن میں انہوں نے کہا کہ سے کابینہ میں جلد ہی توسیع ہونے کی امید ہے اور اس بار مسلمانوں کو بڑی خوشخبری ملنے والی ہے۔
عابد کاغذی نے بتایا کہ ایک لمبے عرصے سے عالمی وبا کورونا سے ملک متاثر ہے۔ اس کی وجہ سے ملک میں لاک ڈاؤن نافذ تھا۔ اب راجستھان کابینہ میں جلد ہی توسیع ہوگی اور بورڈ میں خالی پڑے جگہ کو پر کیا جائے گا، جس میں مسلمانوں کو اچھی جگہ ملے گی۔
انہوں نے کہا کہ راجستھان کی کانگریس حکومت نے ہمیشہ سے اقلیتوں کے بہتری کے لیے کام کیا ہے۔ کورونا وبا کے درمیان راجستھان حکومت نے جس طرح سے اپنی خدمات انجام دیا ہے، یہ ملک میں قابل تعریف ہے۔
مزید پڑھیں:
کانگریس اقلیتی مورچہ: قومی صدر عمران اعظمی کی پیر کو راجستھان آمد
واضح رہے کہ موجودہ وقت میں راجستھان کابینہ میں توسیع کے حوالے سے کشمکش کا ماحول ہے۔ اس کے پیش نظر کانگریس پارٹی کے اعلیٰ رہنما راجستھان میں قیام پذیر ہیں۔ 28 یا 29 جولائی تک راجستھان کابینہ میں توسیع ہونے کی امید ہے۔
