راجستھان میں این ایس یو آئی کے ریاستی صدر کے عہدے سے ابھیمنیو پونیا کے اسطعفیٰ دینے کے بعد ابھیشیک چودھری کو این ایس یو آئی کا ریاستی صدر بنایا گیا ہے۔
ابھیشیک چودھری نے ای ٹی وی بھارت سے خاص بات چیت کے دوران کہا کہ جو ذمہ داری میرے کندھوں پر رکھی گئی ہے وہ ایک بہت بڑی ذمہ داری ہے۔ اس ذمہ داری کو میں مکمل طور پر نبھاؤں گا۔
انہوں نے کہا کہ طلبا کے حق میں این ایس یو آئی ہمیشہ ہی آگے کھڑی رہتی ہے اور طلبا کے حقوق کے لئے آپ ہمیں سڑکوں پر ہی پائیں گے، جو بھی طلبا کی آواز ہوگی اس آواز کو بلند کیا جائے گا۔
این ایس یو آئی کو ہر جگہ اور ہر وقت مضبوط کیا جائے گا۔
یہ بھی پڑھیں: بی جے پی رہنماؤں کی سچن پائلٹ کو مائل کرنے کی کوشش
انہوں نے کہا کہ موجودہ وقت میں لاک ڈاؤن دھیرے دھیرے ختم ہو رہا ہے اس درمیان جو بھارت کے طلبا ہیں وہ کافی زیادہ کشمکش میں نظر آ رہے ہیں، کیونکہ ان طلبا کے امتحانات نہیں ہوئے ہیں اور یوجی سی بول رہی ہے کہ ان کے امتحانات مکمل کروائں گے۔ ایسے میں ہمارا پہلا کام امتحانات کو نہ کروا کر دوسرے درجے میں پرموٹ کروانا رہے گا۔'
