اس کورنٹائن سینٹر میں تقریبا 25 روزہ دار بھی تھے جو نمک سے روزہ افطار کررہے تھے۔ اس کورنٹائن میں دیگر شہروں کے وہ افراد ہیں جو لاک ڈاؤن کی وجہ سے جے پور میں پھنسے ہوئے تھے۔
ہفتے کے روز ای ٹی وی بھارت کی ٹیم اس کورنٹائن سینٹر پہنچی تھی تو یہاں موجود روزہ داروں سے بات کی تو پتا چلا کہ یہاں روزہ افطار کے وقت فروٹ کی پریشانی رہتی ہے اور روزہ نمک سے کھولا جارہا ہے۔
یہاں پر سحری کا انتظام بھی نہیں ہے، شام کو حکومت کی جانب سے جو کھانا آتا ہے اسی سے سحری کی جاتی ہے، ان کی باتیں سننے کے بعدای ٹی وی بھارت نے سماجی کارکنان سے رابطہ کیا اور ان تمام لوگوں کے لیے افطاری اور سحری کا بندوبست کروایا۔
ان تمام چیزوں کا بندوبست ہونے کے بعد یہاں پر موجود سبھی لوگوں کی چہرے پر خوشی نظر آئی، اتنا ہی نہیں یہاں پر رہ رہی 2 خواتین حاملہ ہیں، جن کے پاس گھی کے پیسے تک نہیں تھے ایسے میں ان خواتین کے لیے بھی ای ٹی وی بھارت کی جانب سے گھی کا انتظام بھی کروایا گیا۔
