ریاست راجستھان کی دارالحکومت جے پور میں واقع مسلم اسکول کی تنظیم 'انجمن تعلیم المسلمین' کے لیے آج انتخابات ہوں گے۔ انتخابات کی تمام کاروائی صبح نو بجے شروع ہوگی جو شام کو چار بجے تک مسلسل جاری رہے گی۔
صبح 9 بجے سے شام کو چار بجے تک اسکول کا کوئی بھی ممبر آکر ووٹ ڈال سکتا ہے۔ اس تنظیم کے 60 ممبروں کے لیے انتخابات ہو رہے ہیں۔ اسکول کی تنظیم کے ہی 1100 سے زیادہ ممبر اپنا ووٹ ڈالیں گے اور اسکول کی تنظیم کے ذمہ داروں کو منتخب کریں گے۔ بہرحال جو انتخابات کی تمام کروائی ہے اس کے بارے میں میڈیا کو کسی طرح سے کوئی بھی جانکاری نہیں دی گئی جو اپنے آپ میں ایک بڑا سوال ہے اور اسکول انتظامیہ پر سوالیہ نشان کھڑا کر رہا ہے۔ واضح رہے کہ اس مسلم اسکول کو گزشتہ دنوں کورٹ کی جانب سے اسکول کا اثاثے پر قبضہ کرنے کا حکم جاری ہوا تھا جس کے بعد یہ اسکول سرخیوں میں آئی تھی۔
اس بار انتخاب میں اپنی قسمت آزمائی کر رہے رفیق کا کہنا ہے کہ اسکول کی تنظیم میں جو بھی شامل ہیں وہ سبھی لوگ صرف اپنے مفاد کے لیے کام کر رہے ہیں۔ یہ لوگ اسکول میں برجستہ 53 برس سے قابض ہیں۔ ملت کے لوگ انہیں سمجھاتے ہوئے تھک گئے لیکن یہ کسی کی بات سننے کے لیے تیار نہیں۔
عوام اور میڈیا کو کس طرح کی جانکاری نہیں دی گئی، اس سے انتظامیہ پر سوالیہ نشان کھڑے ہو رہے ہیں۔ اس بار پندرہ برس بعد انتخاب ہو رہے ہیں۔ پندرہ برس قبل جب انتخاب ہوا تھا تب انتخاب میں ان لوگوں نے اپنے لوگوں کو منتخب کیا تھا۔
