ووٹنگ سے قبل کانگریس پارٹی کی جانب سے نائب میئر کے لیے اسلم فاروقی کے نام پر مہر لگائی گئی ہے، لیکن اسلم فاروقی کے خلاف خود کانگریس پارٹی کے رہنماؤں کی جانب سے اپنی ناراضگی ظاہر کی جا رہی ہے۔
کانگریس پارٹی کے نائب میئر کے لیے دعویداری کر رہے پارشد عمر دراز کا کہنا ہے کے کانگریس پارٹی کی جانب سے یہ کہا گیا تھا کہ میئر کے لیے منیش گوجر کو منتخب کیا جاتا۔
انہوں نے مزید کہا کہ وہیں نائب میئر کے لیے اقلیتی طبقے کو توجہ دی جائے گی۔
اس کے علاوہ یہ بھی کہا گیا تھا کہ جو سینئر ہو گا اس کو توجہ دی جائے گی۔
انہوں نے کہا کہ اسلم فاروقی کو نائب میئر کے لیے مقرر کیا گیا ہے وہ پارٹی کے عہدیداران کا فیصلہ ہے۔
عمر دراز کا کہنا ہے کہ اسلم فاروقی پہلے بھی آزاد امیدوار کے طور پر میدان نظر آرہا تھا اس کے باوجود بھی کانگریس پارٹی نے اس کو توجہ دی ہے۔
واضح رہے کہ جے پور جودھپور اور کوٹا میں 29 اکتوبر اور یکم نومبر کو میونسپل کارپوریشن انتخابات کے تحت ووٹنگ ہوئی تھی۔
اس کے بعد جن امیدواروں نے ان انتخابات میں فتح حاصل کی تھی وہ لوگ گزشتہ روز اپنے میئر کو منتخب ہو چکے ہیں۔
اس موقع پر اسلم فاروقی نے کہا کہ فتح حاصل کرنے کے بعد میں میرا پہلا کام جو ترقی کے کام ہیں اس کو پورا کروانا رہے گا، جے پور شہر کو اسمارٹ شہر بنایا جائے گا۔
اس کے علاوہ ان پر لگ رہے الزامات کا جواب دیتے ہوئے کہنا ہے کہ میں صاف طور پر یہ کہنا چاہوں گا کہ میرے اوپر کوئی بھی کسی طرح کا کیس نہیں چل رہا ہے۔
مزید پڑھیں:اسمارٹ سٹی تحت کیے جانے والے کاموں کا جائزہ
اسلم کا کہنا ہے کہ یہ ملک بھارت ہی نہیں بلکہ عالم بھر کی کسی بھی عدالت میں میرے خلاف کوئی بھی مقدمہ نہیں چل رہا ہے۔
ان کا کہنا ہے کہ کسی پر بھی مقدمہ درج ہونا اور اس کی جانچ ہونا یہ الگ بات ہوتی ہیں۔
انہوں نے کہا کہ میرے اوپر ابھی تک کوئی بھی جرم ثابت نہیں ہوا ہے۔
وہیں بی جے پی کی جانب سے نائب میئر کے لیے امیدوار بنائے گئے مہندر کمار دللیت کا کہنا ہیں کہ نائب میئر بی جے پی کا ہی بنے گا۔
