ملک بھر میں عید الاضحیٰ کا تہوار جوش و خروش سے منایا جا رہا ہے۔ درگاہ اجمیر شریف میں بھی عید کی خوشیاں دیکھنے کو ملیں، جہاں ملک بھر سے زائرین حضرت خواجہ غریب نواز رحمتہ اللہ علیہ کی بارگاہ پر حاضری کے لیے پہنچ رہے ہیں۔ اس موقع پر مصلیان اور زائرین صبح کے وقت عید کی نماز ادا کرنے کے لیے درگاہ میں حاضر ہوئے اور نماز عیدالاضحیٰ ادا کی۔ درگاہ کمیٹی اور پولیس نے سخت سکیورٹی انتظامات کیے تھے۔ Eid ul Adha Prayers in Ajmer Dargah
درگاہ میں شاہجانی مسجد سے عید الاضحی کا خطبہ پڑھا گیا اور قربانی کی فضیلت بیان کی گئی۔ اس موقع پر نمازیوں کی بڑی تعداد اللہ کی بارگاہ میں سجدہ ریز ہوئی اور ملک سمیت دنیا بھر میں امن و سکون کی دعائیں مانگی۔ عید الاضحی کے موقع پر تمام مذاہب کے لوگ بارگاہ خواجہ غریب نواز کے احاطے میں گلے مل کر ایکدوسرے کو عیدالاضحیٰ کی مبارکباد دی۔
