راجستھان بی جے پی کا پانچ کروڑ عطیہ کا اعلان

عالمی سطح پر کورونا وائرس کی وبا کو روکنے کےلیے اقدامات کئےجارہے ہیں جبکہ بھارت میں بھی لوگ اس سلسلہ میں اپنا تعاون پیش کر رہے ہیں۔

کورونا کے پھیلاؤں کو روکنے کے لیے راجستھان بی جے پی کی جانب سے پی ایم کیر فنڈ میں پانچ کروڑ روپئے عطیہ دینے کا اعلان کیا گیا ہے۔

اس وبا کے خلاف جنگ میں عوامی تعاون کا سلسلہ جاری ہے، بی جے پی رہنما سی اے ستیش سرین اور ڈاکٹر سریندر کالا نے پانچ لاکھ ایک ہزار روپئے کا چیک بی جے پی کے ریاستی صدر ستیش پونیا کے حوالہ کیا۔

جئے پور سے بی جے پی کے رکن پارلیمان رام چرن بوہرہ کی اپیل کے بعد عوام کی جانب سے بڑے پیمانہ پر پی ایم کیر فنڈ میں عطیات وصول ہو رہے ہیں۔ شیام نگر کے رہنےوالے پرکاش اگروال اور ان کی اہلیہ نے پی ایم کیر فنڈ میں پانچ لاکھ اور وزیراعلیٰ ریلیف فنڈ میں ایک لاکھ گیارہ ہزار روپئے دیا ہے جبکہ انہوں اس سلسلہ میں چیک رام چرن بوہرہ کے حوالہ کیا۔

بی جے پی کے ریاستی صدر نے عوام سے اظہار تشکر کیا ہے اورکہا کہ راجستھان بی جے پی کی جانب سے رقم کو پی ایم کیر فنڈ میں جمع کرایا جائے گا۔

ستیش پونیا نے کہا کہ بحران کی حالت میں عوام فراخدلی سے پی ایم کیرفنڈ میں رقم جمع کررہے ہیں جو قابل ستائش ہے۔ انہوں نے کہا کہ ریاستی بی جے پی کارکنوں نے اس فنڈ کےلیے پانچ کروڑ روپئے کی رقم جمع کی ہے۔ اودئے پور سے اس سلسلہ میں ایک کروڑ روپئے اور جودھپور سے 75 لاکھ روپئے جمع کئے گئے۔

بی جے پی صدر نے کہا کہ اس بحران میں پارٹی کی جانب سے ریاست بھر میں کئی امدادی خدمات انجام دی جارہی ہیں۔