راجستھان: نشے کے تعلق سے بیداری کے لیے اجتماع

ریاست راجستھان میں 13 اکتوبر کو اجتماع کا اہتمام کیا جائے گا۔ خاص بات یہ ہے کہ اس اجتماع میں نوجوانوں کو نشے کی لعنت کے بارے میں بتایا جائے گا اور اس سے دور رہنے کی تلقین کی جائے گی۔

یہ اجتماع 13 اکتوبر دارالحکومت جے پور میں دوپہر کے تین بجے سے شروع ہوگا جو رات کو دس بجے تک چلے گا۔ پروگرام کے مہمان خصوصی سید امین القادری ہوں گے۔

مفتی خالد ایوب مصباحی نے بتایا کہ 'اس اجتماع کا مقصد سماج میں پھیلی برائیوں کو ختم کرنا اور خاص طور پر نشے کا خاتمہ کرنا ہے۔'

حاجی رفعت نے بتایا کہ 'اس پروگرام میں مسلمان ہی نہیں بلکہ دیگر مذہب کے لوگ بھی شرکت کریں گے۔'