ڈانڈی یاترا کے سربراہ شمشیر بھالو خان نے یاترا ختم کرنےکا اعلان کیا۔ یہ یاترا ڈانڈی میں ختم ہونی تھی لیکن اس سے قبل ہی راجستھان حکومت کا ایک وفد راجستھان مسلم وقف بورڈ کے چیئرمین ڈاکٹر خانو خان بودھوالی کی قیادت میں اتوار کو ادے پور پہنچا۔ وفد نے شمشیر بھالو خان کو یہ بھروسہ دلایا کہ ان کے جو مطالبات ہیں ان کو مان لیا گیا ہے۔لہذا اب یہ ڈانڈی یاترا یہیں ختم کر دیں۔
حکومت کی جانب سے دیے گئے بھروسےکے مدنظر ڈانڈی یاترا کے سربراہ شمشیر بھالو خان کی جانب سے یاترا روک دینے کا اعلان کیا گیا۔
راجستھان مسلم وقف بورڈ کے چیئرمین ڈاکٹر خانو خان بودھوالی نے بتایا کہ ریاست کے وزیر اعلی اشوک گہلوت اور ریاستی حکومت میں وزیر تعلیم اور کانگریس کمیٹی کے ریاستی صدر گویند سنگھ ڈوٹاسرا کی جانب سے دیئے گئے تیقن کے بعد چورو سے ڈنڈی تک جو یاترا شمشیر بھالو خان کی جانب سے جن مطالبات کو لے کر نکالی جا رہی تھی ان 9 مطالبات کو مان لیا گیا ہے۔
