Cracks in the Embankment of Ana Sagar: اجمیر کے انا ساگر کے پشتے میں شگاف کا خطرہ

اسمارٹ سٹی پروجیکٹ کے تحت اجمیر شہر میں بہت سے کام ہو رہے ہیں۔ اس کے باوجود ان کاموں کے معیار پر مسلسل سوالات اٹھ رہے ہیں۔ انا ساگر، رام پرساد گھاٹ میں جہاں چوپاٹی اور بارہ داری ملتی ہیں وہاں کی دیواروں میں بری طرح سے دراڑیں پڑ چکی ہیں۔ فرش کا کچھ حصہ دھنس گیا ہے، جس کی وجہ سے کسی بھی وقت بڑا حادثہ ہوسکتا ہے۔ Cracks in the Embankment of Ana Sagar

مقامی علاقہ کے رہائشی گوپال شرما نے انتظامیہ سے اپیل کی ہے کہ وہ اس معاملے میں دخل دے اور علاقے کی مرمت کروائی جائے، تاکہ کسی بھی بڑے حادثے کو رونما ہونے سے پہلے ہی روکا جا سکے۔ شرما نے کہا کہ اس علاقے میں روزانہ سینکڑوں سیاح آتے ہیں۔ بہت سے لوگ صبح کی سیر کے لیے بھی یہاں پہنچتے ہیں۔ ایسے میں اگر اس مقام پر لوگوں کا ہجوم جمع ہو جائے تو کسی بھی وقت کوئی بڑا حادثہ پیش آ سکتا ہے۔ Cracks in the Embankment of Ana Sagar

اس لیے انہوں نے انتظامیہ سے مطالبہ کیا ہے کہ اس معاملے میں جلد از جلد سنجیدگی سے کارروائی کرتے ہوئے اس جگہ کی مرمت کرائی جائے۔