کوٹہ ایس پی آفس میں تعینات کانسٹیبل کورونا وائرس سے متاثر

ریاست راجستھان کے شہر کوٹہ میں کورونا کے 6 نئے معاملات سامنے آئے ہیں۔ ان میں سے ایک کانسٹیبل، ٹیچر، فروٹ ڈیلر اور کوچنگ انسٹی ٹیوٹ کے اہلکار وغیرہ مثبت پائے گئے ہیں۔

کوٹہ میں کورونا وائرس سے 775 افراد متاثر ہوچکے ہیں، جن میں آج کے 6 افراد شامل ہیں۔

دو دن قبل ایس پی آفس میں تعینات کانسٹیبل کا کورونا ٹیسٹ کروایا گیا تھا جس کی رپورٹ آج آئی ہے۔

آج صبح رپورٹ آنے سے پہلے ہی کانسٹیبل ایس پی آفس ڈیوٹی کرنے پہنچ گئے تھے۔ انہیں فون آیا کہ وہ کورونا مثبت ہیں۔

اس کے بعد پولیس اہلکاروں کو آگاہ کیا گیا جس کی وجہ سے پورے ایس پی آفس میں افرا تفری پیدا ہوگئی۔