کانگریسی خاتون کا مہنگائی کے خلاف احتجاجی مظاہرہ

ریاست راجستھان میں مہنگائی کے خلاف آج کانگریس پارٹی کی جانب سے احتجاجی مظاہرہ کیا گیا اس دوران سابق وزیر اعلی سچن پائلٹ بھی شامل تھے۔اس کے علاوہ کانگریس خواتین کارکنان نے بھی بڑھ چڑھ کر حصہ لیا ۔

راجستھان کے دارالحکومت جے پور میں شہید اسمارک پر 11 بجے سے دوپہر 12 بجے تک احتجاجی مظاہرہ کیا گیا۔

اس احتجاجی مظاہرے میں کانگریس پارٹی کے ریاستی عہدیدار سمیت دیگر رہنما شامل ہوئے۔

یہاں پر مرکزی حکومت کے خلاف جم کر نعرے بازی کی گئی اور یہ مطالبہ کیا گیا کہ مہنگائی پر قابو پایا جائے۔

اس احتجاجی مظاہرے میں شامل رہنماؤں کا کہنا تھا کہ جس طرح سے آج سلنڈر کی قیمتوں میں اضافہ ہو رہا ہے اس سے رسوئی کا بجٹ پوری طرح سے بگڑ چکا ہے۔ پیٹرول اور ڈیزل کی قیمتیں آسمان چھو رہی ہے۔

مودی حکومت مہنگائی کو قابو میں کرنے کے لئے کوئی کام نہیں کر رہی ہے۔ اس لیے کانگریس پارٹی کو سڑکوں پر اترنا پڑ رہا ہے۔

اس پورے احتجاجی مظاہرے میں کانگریس کی ریاستی صدر ریحانہ ریاض کا میڈیا سے بات چیت کے دوران کہنا تھا کہ مہنگائی پر قابو پایا جاناچاہئے۔