راجستھان میں بی جے پی کانگریس کی نقل کررہی ہے: جےرام رمیش

BJP adopts Congress LPG subsidy promise in Rajasthan: say Jairam Ramesh راجستھان میں بی جے پی حکومت کی جانب سے یکم جنوری سے ایل پی جی سلنڈر 450 روپے میں دینے کا اعلان کیا گیا۔ کانگریس نے اس اعلان کو کانگریس پارٹی کی جیت قرار دیا۔

نئی دہلی: راجستھان کے وزیر اعلی بھجن لال شرما کے سبسڈی والے گھریلو ایل پی جی سلنڈر کے اعلان کے ایک دن بعد تجربہ کار کانگریس کے رہنما جے رام رمیش نے بی جے پی کی جانب سے کانگریس کے منشور کے وعدے کو اپنانے کا دعوی کیا ہے۔

راجستھان کے وزیراعلی بھجن لال شرما نے اعلان کیا تھا کہ ریاستی حکومت یکم جنوری سے 450 روپے کی سبسڈی والے نرخوں پر ایل پی جی سلنڈر فراہم کرے گی۔ کانگریس رہنما جے رام رمیش نے بی جے پی کے اس اقدام کو کانگریس پارٹی کی جیت کے طور پر تسلیم کیا ہے۔

کانگریس کے رکن پارلیمنٹ جے رام رمیش نے ایکس پر لکھا کہ "اگرچہ کانگریس پارٹی راجستھان اسمبلی انتخابات میں شکست سے دوچار ہوئی ہے تاہم بی جے پی ہماری ضمانتوں کی نقل کر رہی ہے۔ کل یہ اعلان کیا گیا تھا کہ ریاست میں یکم جنوری سے ایل پی جی سلنڈر 450 روپے میں دیئے جائیں گے۔ حالانکہ کانگریس ریاست کے 1.4 کروڑ خاندانوں کو 500 روپے میں ایل پی جی سلنڈر فراہم کرنے جا رہی تھی، لیکن بی جے پی حکومت صرف 70 لاکھ خاندانوں کو 450 روپے میں گیس سلنڈر فراہم کرے گی۔

• A day after #Rajasthan Chief Minister #BhajanLalSharma's announcement of subsidised domestic LPG cylinders, veteran leader #JairamRamesh claimed the credit for the #BJP's adoption of the #Congress’ manifesto promise. pic.twitter.com/HbR2oErm7X

  — IANS (@ians_india) December 28, 2023 " class="align-text-top noRightClick twitterSection" data="

  A day after #Rajasthan Chief Minister #BhajanLalSharma's announcement of subsidised domestic LPG cylinders, veteran leader #JairamRamesh claimed the credit for the #BJP's adoption of the #Congress’ manifesto promise. pic.twitter.com/HbR2oErm7X

  — IANS (@ians_india) December 28, 2023

  ">

  A day after #Rajasthan Chief Minister #BhajanLalSharma's announcement of subsidised domestic LPG cylinders, veteran leader #JairamRamesh claimed the credit for the #BJP's adoption of the #Congress’ manifesto promise. pic.twitter.com/HbR2oErm7X

  — IANS (@ians_india) December 28, 2023

کانگریس رہنما جے رام رمیش نے ایکس پر مزید کہا کہ "ہمیں انتظار کرنا پڑے گا کہ یہ کب نافذ ہو گا، لیکن یہ بلاشبہ کانگریس پارٹی کی جیت ہے، جس نے سب سے پہلے ایل پی جی کی قیمت 500 روپے تک کم کی تھی۔ ریاست میں بی جے پی حکومت کی تشکیل بھی کانگریس کارکنوں کے مسلسل دباؤ کا نتیجہ ہے۔ خیال رہے کہ راجستھان میں کانگریس نے حکومت قائم ہونے کے بعد ایل پی جی سلنڈر پانچ روپے میں دینے کا اعلان کیا تھا۔

واضح رہے کہ ریاست راجستھان اور مدھیہ پردیش میں اسمبلی انتخابات کے نتائج کے بعد کئی دنوں تک یہاں وزیراعلی کا انتخاب نہیں کیا گیا تھا۔ اسی معاملے پر اپوزیشن کی جانب سے بی جے پی پر نکتہ چینی بھی کی گئی تھی۔

( آئی اے این ایس )