راجستھان کے دارالحکومت جےپور پہنچے بی جے پی اقلیتی مورچہ کے قومی صدر جمال صدیق نے کانگریس حکومت پر متعدد الزام عائد کرتے ہوئے راجستھان کے وزیراعلی اشوک گہلوت سے استعفیٰ کا مطالبہ کیا ہے۔ جس پر راجستھان اقلیتی کمیشن کے چیئرمین رفیق خان نے پلٹوار کرتے ہوئے کہا کہ 'بھارتیہ جنتا پارٹی کے رہنماؤں کو پہلے اپنے گریبان میں جھانک کر دیکھنا چاہئے اور اشوک گہلوت کے استعفیٰ سے پہلے دہلی میں بیٹھے بی جے پی کے سینئر رہنماؤں کو استعفیٰ دینا چاہئے'۔ BJP demands resignation of Ashok Gehlot
رفیق خان نے کہا کہ 'ملک میں آج غریب کے گھر پر بلڈوزر چلایا جا رہا ہے، بنا کسی وجہ کے لوگوں کو مارا پیٹا جا رہا ہے، لوگوں کو جیلوں میں بند کیا جا رہا ہے، مظلوموں کو بغیر کسی قصور کے پریشان کیا جارہا ہے، اس بی جے پی کے رہنماؤں کو پہلے اپنے گریبان میں جھانک کر دیکھنا چاہیے پھر راجستھان حکومت پر انگلی اٹھانی چاہیے۔
ویڈیو
مزید پڑھیں:
انہوں نے کہا کہ راجستھان کے وزیراعلی اشوک گہلوت ریاست میں بہترین کام کر رہے ہیں اس لئے بھارتی جنتا پارٹی کے رہنما ان پر بلاوجہ الزام لگا رہے ہیں جس کا کوئی مطلب نہیں ہے۔
