راجستھان کے دارالحکومت جے پور کے موتی ڈونگری روڈ علاقے میں واقع مسلم مسافر کھانے کی حالت ان دنوں بد سے بد تر ہوتی جا رہی ہے۔ مسافر خانے میں جگہ جگہ کچرے کے ڈھیر نظر آ رہے ہیں۔ دیواروں پر گندگی جمی ہوئی ہے۔ پانی پینے کی جگہ پر ٹائلس ٹوٹ چکی ہیں۔
حالانکہ یہ مسافر خانہ ایک ایسی جگہ ہے جہاں پر مسلم برادری سے تعلق رکھنے والے لوگ ہوٹلوں کے مقابلے کافی کم کرائے پر قیام کر سکتے ہیں۔ فی الوقت اس کی حالت بدتر نظر آرہی ہے۔ اس پر انتظامیہ کو توجہ دینے کی کافی ضرورت ہے۔
وہیں، اس پورے معاملے پر مسلم مسافرخانہ کمیٹی کے نائب صدر عبداللطیف کا کہنا ہے کہ ایک دن میں تین مرتبہ مسلم مسافر خانے کی صفائی کی جاتی ہے۔ اگر پھر بھی کسی طرح سے کوئی بھی گندگی رہ جاتی ہے تو ہم لوگ صفائی ملازمین کو آگاہ کریں گے کہ گندگی نہیں رہے۔'
یہ بھی پڑھیں: اڈیشہ: 7 سالہ لڑکے نے مائیکروسافٹ کے امتحان میں کامیابی حاصل کر رقم کی تاریخ
انہوں نے کہا کہ ہم اس بات کا مکمل طور پر خیال رکھتے ہیں کہ یہاں پر آنے والے مسافروں کو کسی طرح کی پریشانی کا سامنا نہ کرنا پڑے۔
