ہر برس 15 اکتوبر کو ڈاکٹر اے پی جے عبدالکلام کی سالگرہ کے موقع پر راجستھان میں مختلف پروگراموں کا انعقاد کا بھی ہوتا ہے، لیکن عالمی وباء کورونا کے قہر کی وجہ سے اس بار کوئی بھی بڑا پروگرام راجستھان میں نہیں ہو رہا ہے۔
جے پور کے رام گڑھ علاقے میں واقع کربلا کی درگاہ میں مقامی نوجوان کمیٹی کی جانب سے صفائی مہم کا آغاز کیا گیا، اس پروگرام کے مہمان خصوصی راجستھان مسلم وقف بورڈ کے چیئرمین ڈاکٹر خانو خان بودھوالی رہیں۔
اس موقع پر راجستھان مسلم وقف چیئرمین ڈاکٹر خانو خان بودھوالی نے ای ٹی وی بھارت سے خاص بات چیت کے دوران کہا کہ، 'بھارت کے سابق صدر ڈاکٹر اے پی جے عبدالکلام کی زندگی سے سیکھنے کی ضرورت ہے کہ کس طرح سے انہوں نے اپنی زندگی میں محنت اور قربانیاں دے کر ایک بڑا مقام حاصل کیا۔'
مزید پڑھیں:
'خواب وہ نہیں ہے جو آپ نیند میں دیکھیں'
غور طلب ہے کہ سنہ 1931 کے 15 اکتوبر کو پیدا ہونے والے ڈاکٹر عبدالکلام نے سنہ 1974 میں بھارت کا پہلا ایٹم بم تجربہ کیا تھا، جس کے باعث انھیں 'میزائل مین' کے نام سے جانا گیا۔
