اجمیر: ریاست راجستھان کے اجمیر میں انٹرنیشنل چائلڈ لیبر پرہیبیشن ڈے کے موقع پر محکمۂ پولیس کے انسداد انسانی اسمگلنگ یونٹ اور چائلڈ لائن کے زیراہتمام ایک بیداری ریلی نکالی گئی۔ شہر اجمیر کے مارکیٹ اور بازاروں میں دکانداروں سے گزارش کی گئی ہے کہ وہ اس مہم میں ان کے ساتھ ضرور کھڑے رہے۔ اس سلسلے میں جانکاری دیتے ہوئے اینٹی ہیومن ٹریفکنگ یونٹ کے اشوک بشنوئی اور چائلڈ لائن کی کوآرڈینیٹر ونیتا پوار نے بتایا کہ بچوں کی مزدوری پر پابندی کے عالمی دن کے موقع پر نکالی گئی۔ ریلی کے دوران شہر بھر کے دکانداروں نے چائلڈ لیبر کے حلف نامے پر دستخط کیے۔
چائلڈ لیبر کے حوالے سے ہیلپ لائن نمبر پر موصول ہونے والی تمام کالز کو سنجیدگی سے لیا جاتا ہے۔ اس سال چائلڈ لیبر کے حوالے سے تقریباً 15 مقدمات درج کیے گئے ہیں۔ جس کے تحت 30 سے زائد چائلڈ لیبر کو رہا کر دیا گیا ہے۔ حکومت کی جانب سے چائلڈ لیبر کے خلاف چلائی جا رہی ’’امپاورمنٹ ٹو مہم‘‘ کے تحت چائلڈ لیبر کے خلاف لوگوں کو آگاہ کرنے کی کوششیں بھی کی جارہی ہیں۔
یہ بھی پڑھیں:Protest Rally Against Rajasthan Govt اجمیر میں راجستھان حکومت کے خلاف بی جے پی کا احتجاجی مظاہرہ
چائلڈ لیبر کے خلاف آگاہی اور کارروائی کے حوالے سے مہم شانہ بشانہ جاری رہے گی۔ اجمیر کے مختلف بازاروں اور مارکیٹوں میں اس مہم کے تحت بچوں کے حق میں کارروائی انجام بھی دی جاتی رہی ہے۔ محکمہ نے عام لوگوں سے بچہ مزدوری کے خلاف مہم کو کامیاب بنانے کی اپیل کی ہے۔
