راجستھان میں الور ضلع کے تجارا سب ڈویژن افسر کی کار سے ٹکر میں ایک سات سالہ دلت بچے کی موت ہوگئی۔
موصولہ اطلاع کے مطابق، ضلع کے شیخ پور پولیس اسٹیشن کے قائم مقام افسر، ایس آئی وجے سنگھ یادو نے بتایا 'جمعرات کی سہ پہر ساڑھے تین بجے کا یہ حادثہ ہے۔ سب ڈویژن افسر کھیمارام یادو کی کار بھیواڑی سے تجارا جارہی تھی۔ راستے میں اس نے، نانگہیڑی میگا ہائی وے پر ہمانشو کو ٹکر ماری۔ جس کی وجہ سے بچہ موقع پر ہی دم توڑ گیا'۔
یہ بھی پڑھیے
دلیپ کمار کے بھائی کا کورونا سے انتقال
پولیس موقع پر پہنچی اور لڑکے کی لاش کو تِجارا اسپتال کے مردہ گھر لے آئی۔ پوسٹ مارٹم کے بعد لاش لواحقین کے حوالے کردی گئی۔
مسٹر یادو نے بتایا 'حادثے کی ایک رپورٹ درج کرلی گئی ہے اور ڈرائیور کو جلد ہی گرفتار کرلیا جائے گا۔
