پولیس کے پختہ حفاظتی انتظامات کے ساتھ سر پر چادر لیے مشہور بالی وڈ اداکار اجے دیوگن بھاری بھیڑ کے درمیان 16 کھمبا گیٹ سے قریبی رشتہ داروں کے ساتھ صوفی حضرت خواجہ معین الدین حسن چشتی کی بارگاہ میں زیارت کرنے پہنچے۔
جہاں درگاہ کے خادم سید قطب الدین سخی نے انہیں بھیڑ سے بچاتے ہوئے آستانہ کے قریب صحن میں اجے دیوگن اور ان کے قریبی رشتہ داروں کی دستار بندی کی اور تبرک پیش کیا۔
گزشتہ روز خواجہ صاحب کی ماہانہ چھٹی شریف تھی جس کی وجہ سے زائرین کی کثیر تعداد نظر آئی۔ یہی وجہ ہے کہ آستانہ شریف میں زیارت کے بعد اجے دیوگن کی ایک جھلک پانے کے لیے لوگوں کی بھیڑ لگ گئی۔
بھیڑ سے دشواری کی وجہ سے اجے دیوگن کو پولیس اور ان کے گارڈ نے اپنے حفاظتی گھیرے میں لے لیا۔
اجے دیوگن خواجہ غریب نواز میں بہت عقیدت رکھتے ہیں یہی وجہ ہے کہ جب بھی راجستھان شوٹنگ کے لیے آتے ہیں اور وقت ملتا ہے تو اجمیر چلے آتے ہیں۔
