Bollywood Actress Sonia Sharma اداکارہ سونیا شرما نے خواجہ معین الدین چشتی کی درگاہ پر چادر پیش کی

بالی ووڈ اداکارہ سونیا شرما نے آنے والی فلم کی کامیابی کیلئے لیے حضرت خواجہ معین الدین چشتی رحمتہ اللہ علیہ کے 811 عرس مبارک کے موقع پر عقیدت کی چادر پیش کی۔ کئی بالی وڈ اسٹارز کی جانب سے چادر درگاہ شریف کے خادم اور بالی ووڈ دعاگو سید قطب الدین سخی نے فلم اداکارہ سونیا شرما کے ذریعے دربار خواجہ میں چادر پیش کروایا۔ Bolly Wood Actress Sonia Sharma Visited Khawaja Moin Uddin Dargah

عالمی مشہور صوفی حضرت خواجہ معین الدین چشتی رحمتہ اللہ علیہ کا 811 عرس مبارک کا آغاز ہو چکا ہے۔ اسی سلسلے میں اب سیاستدانوں اور فلم اسٹارز کی جانھب سے چادر خواجہ غریب نواز کی بارگاہ میں پیش کرنے کا سلسلہ شروع ہوگیا ہے۔ پہلی رجب کو عرس کا پہلا دن ہے اور اس موقع پر تمام عقیدت مند اپنی اپنی جانب سے چادر پیش کر رہے ہیں۔ اسی درمیان بالی ووڈ کے تمام اسٹار اداکاروں کی جانب سے چادر خواجہ صاحب کے آستانہ شریف میں پیش کی جارہی ہے۔

سونیا شرما نے بتایا کہ بالی ووڈ پر کسی کی بری نظر نہ لگے اس سلسلے میں ہر سال خواجہ صاحب کی بارگاہ میں بالی ووڈ کی چادر پیش کی جاتی رہی ہے۔ اسی سلسلے میں اس برس بھی عرس مبارک میں خواجہ صاحب کے دربار میں 811 عرس مبارک کے موقع پر بالی ووڈ کی سلامتی اور ترقی اور کامیابی کے لئے خصوصی دعا کی گئی ہے۔ بالی ووڈ کی چادر کا جلوس درگاہ بازار سے آغاز ہوا اور نظام گیٹ سے گزر کر جنتی دروازہ سے ہوتے ہوئے خواجہ صاحب کی بارگاہ میں پہنچا۔ جہاں خادم سید الدین سخی نے چادر پیش کی اور فلم اداکارہ سونیا شرما کے ساتھ جلوس میں شریک تمام عقیدت مندوں کو دستار بندی کر کے دربار کا تبرک پیش کیا۔