ریاست راجستھان کے دارالحکومت جے پور میں آج بھارتی جنتا پارٹی (بی جے پی) نے ریاست کی کانگریس حکومت کے خلاف احتجاجی مظاہرا کیا۔
یہ احتجاجی مظاہرہ دارالحکومت جے پور کے مختلف مقامات پر کیا گیا، وہیں اس احتجاجی مظاہرے میں شامل تمام لوگوں نے اپنے ہاتھوں میں بی جے پی کا پرچم لے رکھا تھا اور راجستھان کی کانگریس حکومت کے خلاف جم کر نعرے بازی کی۔
بی جے پی نے کانگریس پر الزام عائد کرتے ہوئے کہا کہ جس طرح سے کانگریس آج جے پور بلدیہ کی مئیر سومیا گجر کے ساتھ جو برتاؤ کر رہی ہے وہ صحیح نہیں ہے۔
مظاہرے میں شامل بی جے پی رہنماؤں کا کہنا تھا کہ عوام کی جانب سے منتخب کی گئی مئیر کو ہٹانے کا کام کیا جارہا ہے۔ اگر مئیر کی جانب سے کمشنر کے ساتھ بدسلوکی کی گئی تھی تو اس کے ثبوت بھی حکومت کو ہم لوگوں کو دینے چاہیے، لیکن اس طرح کا کوئی بھی حکومت ثبوت نہیں دے رہی ہے۔
انہوں نے مزید کہا کہ ہماری مئیر کو طاقت کا غلط استعمال کر کے کے معطل کر دیا گیا، وہیں بی جے پی کی جانب سے اس بات کا اعلان بھی کیا گیا ہے کہ کل منگل کے روز ریاستی سطح پر احتجاجی مظاہرہ بی جے پی دفتر کے باہر کیا جائے گا۔
