بی جے پی اقلیتی مورچہ نے راجستھان میں اردو کی بدحالی کے خلاف جودھپور میں احتجاجی مظاہرہ کیا۔
مظاہرے کی قیادت کر رہے اقلیتی مورچہ کے صدر ایم صادق خان نے کہا کہ جس طرح سے راجستھان کانگریس حکومت نے پرائمری اسکولوں میں اردو کو ختم کیا ہے، اسے بحال کروانے کے لئے بی جے پی اقلیتی مورچہ ریاست بھر میں دھرنہ دیا جائے گا۔
اس سلسلے میں حمید خان میواتی نے کہا کہ وزیر اعلی اشوک گہلوت نے اقلیتوں کے خلاف کام کیا ہے۔ ان کے اقتدار میں آئے ہوئے دو سال زیادہ عرصہ ہوچکا ہے لیکن ابھی تک جو اسامیاں ہیں، ان کو بھرا نہیں کیا گیا ہے۔
انہوں نے کہا کہ اگر کانگریس حکومت مرکز کی اسکیمیں نافذ نہیں کرتی ہے تو پوری ریاست میں احتجاجی مظاہرے کیے جائیں گے اور مہم کا آغاز کیا جائے گا۔
اس احتجاجی مظاہرے میں بی جے پی اقلیتی مورچہ سے تعلق رکھنے والے عہدیداران اور بی جے پی کے کارکنان کثیر تعداد میں موجود رہے۔
