پولیس ذرائع نے بتایا کہ روہت گودارا پر بھیم ساهرن کے قتل سمیت ایک درجن سے زائد سنگین معاملے درج ہیں۔ بیکانیر رینج میں ٹاپ-10 مطلوب مجرموں کی فہرست میں شامل روہت گودارا کی گرفتاری پر بیکانیر پولیس سپرنٹنڈنٹ نے پانچ ہزار روپے کے انعام کا اعلان کیا تھا۔
پولیس ذرائع کے مطابق بیکانیر ضلع میں کالو تھانہ علاقہ کے گاؤں كپوريسر کے روہت گودارا کو گرفتار کرنے کے لیے کالو تھانہ انچارج دیوی لال اور شری گنگا نگر ضلع میں راجياسر تھانہ کے انچارج سریش كسواکی قیادت میں خصوصی پولیس ٹیم تشکیل دی۔ اس ٹیم نے روہت گودارا كو پنجاب، ہریانہ، چنڈی گڑھ اور دہلی میں اس کے موبائل فون سے ملے سگنل کی بنیاد پر پنجاب کے شہر فاضلکا میں کل دیر رات گرفتار کرلیا۔ فاضلکا میں روہت ایک دن پہلے ہی دوست کے یہاں پناہ لینے آیا تھا۔ روہت گودارا کو آج بیکانیر صدر تھانہ پولیس کے سپرد کردیا گیا۔ وہ بیکانیر میں صدر تھانہ علاقہ میں قتل کے واقعہ میں ملوث تھا۔
روہت پر سردارشهر تھانہ علاقہ کے گاؤں بكلسر چھوٹا میں بی جے پی لیڈر بھیم ساهرن کے قتل کے واقعہ سے پہلے قتل کی کوشش، ڈکیتی، لوٹ وغیرہ کے 14-15 مقدمے شری گنگا نگر، بیکانیر اور چرو اضلاع میں درج ہیں۔ بھیم ساهرن قتل کا اہم ملزم دلیپ كلهڈيا ابھی تک گرفت میں نہیں آیا ہے۔ پرانی رنجش کے سبب بھیم ساهرن کو سرعام گولی مار کر قتل کر دیا گیا تھا۔
