ٹیم جے پور پہنچ چکی ہے اور محکمہ صحت کے ( اے سی ایس) روہت سنگھ اور پرنسپل سکریٹری میڈیکل ایجوکیشن ویبھو گالریا سے ملاقات کر چکی ہے۔
فی الحال، مرکز سے تعلق رکھنے والی ٹیم نے جے پور میں محکمہ صحت کے اے سی ایس روہت کمار سنگھ اور پرنسپل سکریٹری میڈیکل ایجوکیشن ویبھو گالریہ سے ملاقات کی ہے۔ جس کے بعد ٹیم کوٹہ کے لئے روانہ ہوگی۔
مرکز کے ذریعہ بھیجی گئی 6 رکنی ٹیم میں جودھپور ایمس کے ڈاکٹر ارون سنگھ، ڈاکٹر وریشہ اور امیل کے علاوہ دہلی کے دیگر تین ممبران بھی شامل ہیں۔
سی ایم اشوک گہلوت نے میڈیا سے گفتگو کرتے ہوئے کہا تھا کہ 'مرکزی وزیر صحت ہرش وردھن سے بات کی ہے اور میں نے ان سے کہا ہے کہ وہ یہاں آئیں ، جس کے بعد صورتحال صاف ہوجائے گی۔'
جے کے لون ہسپتال میں بچوں کی موت کے معاملے میں ریاستی وزیر صحت رگھو شرما اور ضلع انچارج پرتاپ سنگھ کھاچریاواس معائنہ کے لیے ہسپتال پہنچے تھے تبھی اس دوران بی جے پی کارکنان نے جم کر نعرے بازی کرتے ہوئے ان دونوں کی مخالفت کی تھی۔
دراصل کوٹہ کے جے کے لون ہسپتال میں بچوں کی موت کا سلسلہ تھمنے کا نام نہیں لے رہا ہے۔ گذشتہ 3 دن میں 5 نومولود بچے علاج کے دوران فوت ہوگئے۔ اس کے ساتھ ہی بچوں کی اموات کی تعداد 105 ہوگئی ہے۔
