اجمیر: ریاست راجستھان کے اجمیر شہر میں محرم الحرام کے ایام 18 جولائی سے شروع ہو جائیں گے۔ اجمیر کے مسلم علاقوں سمیت درگاہ کے احاطے میں بھی غم حسین کے لیے مجلسیں منعقد کی جائیں گی۔ یاد حضرت امام حسین رضی اللہ تعالی عنہ اور بیان کربلا کے سلسلے میں امام بارگاہوں کو خوبصورت روشنی سے سجایا جا رہا ہے۔
خادموں کی انجمن سید زادگان کے ممبر حاجی سید عمران چشتی کے مطابق پانچ محرم کو علم کا جلوس نکالا جائے گا جب کہ آٹھ محرم کو درگاہ کے نظام گیٹ سے تعزیہ کی زیارت کے بعد سواری نکالی جائے گی۔ اجمیر درگاہ انجمن سید زادگان کی جانب سے شہر کا سب سے بڑا تعزیہ تیار کروایا جاتا ہے جسے اجمیر کے خلیل احمد عرف چاند بابو کا خاندان نو پیڑیوں سے خدمت انجام دیتا آ رہا ہے۔ چاند بابو کے مطابق 12 گنبد اور 16 فٹ اونچا تعزیہ تقریبا بن کر تیار ہو چکا ہے جسے درگاہ کے میں رکھا گیا ہے۔
