اجمیر: بنگلہ دیش کی وزیر اعظم شیخ حسینہ کے دورے کے دوران 6 آئی پی ایس کی قیادت میں 1500 پولیس اہلکاروں کو خواجہ معین الدین چشتی درگاہ پر تعینات کرنے کا فیصلہ کیا گیا ہے۔ Sheikh Hasina to Visit Ajmer Sharif
اسی سلسلے میں آج ان کے لئے راستے کو عام لوگوں کے لئے بند کر دیا گیا۔ محکمہ انٹیلی جنس کے اہلکاروں سمیت مسلح گارڈز کو مختلف مقامات پر تعینات کر دیا گیا۔ ضلع کلکٹریٹ، دہلی گیٹ، درگاہ بازار سے اندر کوٹ تک دکانیں بھی بند کروا دی گئی۔ درگاہ کو خالی کرا لیا گیا اور زائرین کے داخلے پر پابندی عائد کر دی گئی۔ یہ کارروائی دوپہر 12 بجے سے 2 بجے تک مکمل کی گئی۔
یہ بھی پڑھیں:Sheikh Haseena Ajmer Visit: شیخ حسینہ کی اجمیر آمد کے پیش نظر سیکورٹی کے سخت انتظامات
اس دوران اسکولی طلباء اور مقامی لوگوں کے ساتھ ساتھ ملک بھر سے اجمیر آنے والے زائرین کو شدید گرمی اور چلچلاتی گرمی میں مشکلات کا سامنا کرنا پڑا۔انہیں سکیورٹی انتظامات کی وجہ سے پریشانیوں کا سامنا کرنا پڑا۔
شیخ حسینہ 8 ستمبر کو دوپہر ایک بجے درگاہ پہنچیں گی اور ایک گھنٹے تک درگاہ میں دعا کریں گی۔ درگاہ کمیٹی، خادموں کی تنظیم اور ان کے عہدیداران نے شیخ حسینہ کے استقبال کے لئے تمام تیاریاں کر لی ہیں۔
