جے پور: راجستھان کے دارالحکومت جے پور میں عید الاضحیٰ کے موقع پر بکرا منڈی کی رونق ہر برس دوبالہ ہوجاتی ہے۔ رواں برس بھی کچھ ایسا ہی منظر دیکھنے کو مل رہا ہے۔ امسال منڈی میں عام بکروں کے درمیان چند خاص قسم کے بکرے بھی نظر آرہے ہیں کسی بکرے کے کان پر 'اللہ' لکھا ہوا ہے تو کسی کی پیٹھ پر چاند بنا ہوا ہے۔ ایسے بکروں کی قیمت لاکھوں میں لگائی جارہی ہے۔ جس بکرے کے پیٹ پر 'اللہ' لکھا ہوا ہے اس کی قیمت 2 لاکھ 51 ہزار روپے رکھی گئی ہے جب کہ اللہ اور چاند بنے ہوئے بکرے کی قیمت 5 لاکھ 51 ہزار روپے رکھی گئی ہے۔ jaipur Bakra Mandi in Rajasthan 2022
مزید پڑھیں:
مقامی لوگوں کی جانب سے ان بکروں کی بولی ایک لاکھ 51 ہزار روپے سے 4 لاکھ 51 ہزار روپے تک لگائی گئی ہے، لیکن مویشی فروش اس قیمت میں بکرے بیچنے کے لیے تیار نہیں ہیں۔ اس بکرے کے مالکوں کا کہنا ہے کہ ہم لوگ راجستھان کے سجان گڑھ اور سوائی مادھو پور علاقے سے بکرہ فروخت کرنے آئے ہیں۔ ہمارے بکروں کے پیٹ اور کان پر اللہ کا نام لکھا ہوا ہے جو قربانی کے لیے عمدہ ہے۔
