پشکر میں غیر ملکی سیاح پر حملہ

ریاست راجستھان کے ضلع اجمیر کے شہر پشکر میں ایک غیر ملکی سیاح پر چاقو سے حملہ کیا گیا جس سے وہ شدید طور پر زخمی ہوا ہے۔

ضلع اجمیر کے ایس پی کنور راشٹر دیپ نے کہا کہ پشکر کے ایک ہوٹل میں نامعلوم شخص نے فرانس کے ایک سیاح پر چاقو سے حملہ کیا جس میں سیاح شدید طور پر زخمی ہوا ہے اسے اجمیر کے جواہر لال نہرو ہسپتال میں داخل کیا گیا ہے۔

تفتیش کے دوران ہوٹل کے سی سی ٹی وی فوٹیج میں کسی بھی شخص کو اس واقعہ سے متعلق دیکھا نہیں گیا ہے۔جب کہ اس سیاح کے کمرے سے شراب کی بوتلیں ملی ہیں۔ سیاح نشہ کا عادی تھا۔

فرانس کے سیاح کے مطابق یہ واقعہ رات 3 بجے ہوا پیش آیا۔

پولیس نے مقدمہ درج کرکے تحقیقات شروع کردی ہے۔