جئے پور: کانگریس کے اراکین اسمبلی جیسلمیر کے لیے روانہ

ریاست راجستھان کے وہ تمام ارکان اسمبلی جو وزیراعلیٰ اشوک گہلوت کو اپنی حمایت دے رہے ہیں، جیسلمیر میں میٹنگ کے لیے جا رہے ہیں۔

جیسلمیر اسمبلی حلقہ سے تعلق رکھنے والے ریاستی اقلیتی وزیر صالح محمد اور کابینہ وزیر ہریش چودھری کی قیادت میں یہ ارکان اسمبلی جیسلمیر جا رہے ہیں۔

راجستھان میں چل رہی سیاسی کشمکش ہوٹل فیئرماؤنٹ جئے پور سے ہائی کورٹ اور سپریم کورٹ کے بعد سرحدی ضلع جیسلمیر پہنچنے جا رہی ہے۔

ایک چارٹر پلین کے ذریعہ یہ تمام افراد جیسلمیر جائیں گے۔

فی الحال 55 کے قریب ارکان اسمبلی ایئرپورٹ کے لیے روانہ ہو چکے ہیں۔ ان کے ہمراہ کثیر تعداد میں پولیس اہلکار بھی موجود ہیں۔