راجستھان کے وزیر اعلیٰ اشوک گہلوت نے مغربی بنگال کے نتائج پر وزیر اعظم پر ایک بار پھر زبانی حملہ کرتے ہوئے کہا کہ نریندر مودی نے ہندوتوا کے نام پر ووٹ مانگے اور ایک لہر بنائی، پھر بھی بنگال میں انہیں کامیابی نہیں ملی لیکن ان کی انتخابات میں کراری شکست کو تاریخ میں ریکارڈ کیا گیا ہے۔ انہوں نے کہا کہ اب عوام نریندر مودی کے جھوٹ اور منافقت کو سمجھ چکی ہے، اب ان کا گراف نیچے آنے لگا ہے۔
وزیر اعلیٰ اشوک گہلوت نے کہا کہ کانگریس کی تاریخ عوام کو بتانے کی ضرورت ہے کہ کس طرح جواہر لعل نہرو نے جیل میں رہتے ہوئے بھی ملک کو آگے بڑھانے کا کام کیا۔ آج ضرورت اس بات کی ہے کہ نوجوانوں اور بچوں کو آگاہ کیا جائے، ملک میں کچھ لوگ ایسے ہیں جو ہندوتوا کے نام پر ملک میں فرقہ واریت کو جنم دے رہے ہیں۔
انہوں نے کہا کہ ہندوتوا پر سیاست کرنے والوں کو عوام نے سمجھنا شروع کر دیا ہے۔ اس لئے نریندر مودی کا گراف اب گرنے لگا ہے۔
وزیر اعلی اشوک گہلوت نے کہا کہ بنگال کے انتخابی نتائج میں ہندوتوا پر سیاست کرنے والوں کی شکست ہوئی ہے۔ مرکزی حکومت نے گزشتہ 4 ماہ میں مغربی بنگال میں کیا کچھ نہیں کیا، وہ سب کے سامنے ہے لیکن وہاں کی عوام ممتا بنرجی کو جس طرح اقتدار میں واپس لائی اور جھوٹ اور منافقت کو شکست دیا، وہ تاریخ میں درج ہو گیا ہے۔
بی جے پی نے مغربی بنگال میں ہندوتوا کے ایجنڈے کو چلانے کی کوشش کی لیکن ممتا بنرجی نے انہیں شکست دے دی۔
وزیر اعلی اشوک گہلوت نے کہا کہ ملک میں اس وقت جس طرح کا ماحول ہے، ہم سب کو چوکنا رہنے کی ضرورت ہے، بہت سی ایسی طاقتیں ہیں جو جمہوریت پر یقین نہیں رکھتی، ایسے لوگوں سے محتاط رہنے کی بھی ضرورت ہے۔
