ایک جانب جہاں راجستھان میں وزیر اعلیٰ اشوک گہلوت اور سچن پائلٹ کے باغی اراکین اسمبلی میں ٹکراؤ جاری ہے۔ معاملہ عدالت میں چل رہا ہے تو دوسری جانب مرکزی حکومت اور ریاستی حکومت کے درمیان ٹکراؤ کے حالات بن گئے ہیں۔
مرکزی جانچ ایجنسی سی بی آئی کی کارروائی کو لیکر اب ریاستی حکومت نے نئے آر ڈر جاری کیے ہیں۔
نئے آرڈر کے مطابق اب سی بی آئی سیدھے کسی کی جانچ نہیں کر سکے گی، اگر سی بی آئی کو کسی معاملے کی جانچ کرانی ہوگی تو اس کے لیے ریاستی حکومت کی رضامندی ضروری ہوگی۔
اس تعلق سے وزارت داخلہ کی جانب سے پیر کے روز کو ہی نوٹیفکیشن جاری کر دی گئی ہے۔ جس میں حالات کے مطابق ہی ریاستی حکومت کسی کیس پر رضامندی دے گی۔
